هو دة العادى

كنت لسة طالع من على القهوة الساعة 1 باليل قبل الامتحان بيومين بس كنت المفروض اذاكر المهم انى لقيت جرنال المصرى اليوم و جنبة جرنال الدستورمش عارف لية قعدت اقرى فيهم ,المهم خلصت كدة كام خبر فى المصرى اليوم منهم البنت السعودية اللى قتلت سواق مصرى فى وسط البلد بس مش عارف لية حسيت انى السواق اللى مات دة دمة هيروح هدر مش عارف لية يمكن علشان الفلوس اللى اكيد هتدفع و لا علشان البنت اميرة سعودية وطبعا احنا فى بلد السياحة فالمفروض انى هى مش هيحصل لها حاجة مع ان الكلام دة لو حصل بالعكس فى السعودية انا مش عارف ممكن اقول اية اللى هيحصل بس على العموم عادى احنا فى مصر ودة مش جديد بعد الخبر دة جبت الجرنال من اول صفحة علشان اشوف مكتوب اية لقيت الحجاج المصرين والاهنات اللى حصلت فى موسم الحج مش عارفين هما بيفكرو يعملولهم هيئة مستقلة تابعة لمجلس الوزراء علشان قال يعنى تحافظ عليهم من الاهنات اللى هما تعرضو ليها بس مفهمتيش هو العيب فى مين علشان كدة هنعمل هيئة مستقلة بس عادى اصل كل حاجة عادى فى مصر اكئتيبت من الجرنال وقعدت افكر شوية طب هو لية كل الناس بتقول على مصر مش عجباها و اللى بيحصل فيها وتلقيهم هما نفس الناس اللى بتعمل الحاجات اللى مش عجباهم ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!
شوية و فتحت الدستور بقلب بين الصفحات لقيت منير فخرى عبد النور تحت عنوان اشهر عشر اقباط فى مصر المهم كان مكتوب عن الانتخبات الاخير واللى حصل فيها مش عارف لية افتكرت اليوم المشؤم اللى كنت راجع فية حاسس انى شايل جبل من الهموم ده نفس اليوم اللى منير فخرى خسر الانتخبات فى دايرة الوايلى بالتزوير على عينك ياتاجر بس لية ولصالح مين مفهمتش الراجل دة من احسن الناس اللى قابلتهم فى حياتى و اللى اشتغلت معاهم بس اليوم ده اتعلمت فية حجات كتير لانى شوفت حاجات اكثر وابشع مما ممكن كنت اتخيل فى لعبة قذرة اسمها الانتخابات قولت اقوم سعتها اكتب علشان حسيت انى مخنوق اوى يمكن التعبير عن الهم يقلل منة شوبة
بس كلة فى الاخر عادى
انتو عارفين لما واحد يحب عاهرة رغم انى هية عاهرة بس هو بيحبها رغم كدة
انا بحب مصر رغم انى هى مصر